१५ डिसेंबरपर्यंत थंडीचा जोर कायम; १६ पासून दुपारी कडक ऊन अपेक्षित

भुसावल प्रतिनिधि | आकाश ढाके | खबर 24 एक्सप्रेस

जळगाव जिल्ह्यात पुढील काही दिवस थंडीचा जोर कायम राहणार असल्याचे हवामान विभागाने स्पष्ट केले आहे. १५ डिसेंबरपर्यंत सकाळच्या वेळेस गारठा आणि रात्री तापमानात जाणवणारी घट कायम राहील.

दरम्यान, १६ डिसेंबरपासून कमाल तापमानात २ ते ३ डिग्री सेल्सिअसने वाढ होण्याचा अंदाज व्यक्त करण्यात आला आहे. त्यामुळे दुपारच्या वेळेस कडक ऊन जाणवण्याची शक्यता आहे.

तथापि, या वाढत्या तापमानानंतरही रात्री आणि सकाळच्या थंडीत विशेष घट जाणवणार नाही, असेही हवामान खात्याचे म्हणणे आहे. नागरिकांनी सकाळ–रात्रीच्या गारव्यापासून बचावासाठी योग्य ती काळजी घेण्याचे आवाहन करण्यात आले आहे.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save