नागपूर कोराडी येथे अटल जन्मशताब्दी सोहळा व नवनिर्वाचित नगराध्यक्ष-नगरसेवकांचा सत्कार; Chandrashekhar Bawankule सपत्नीक उपस्थित

नागपूर | राजकीय वृत्त : नागपूर जिल्ह्यातील कोराडी येथे भारतीय जनता पार्टी रामटेक व काटोल यांच्या वतीने अटल जन्मशताब्दी सोहळा तसेच नवनिर्वाचित नगराध्यक्ष व नगरसेवकांचा भव्य सत्कार समारंभ आयोजित करण्यात आला.

या कार्यक्रमाला महाराष्ट्राचे राजस्व मंत्री व नागपूर-अमरावतीचे पालकमंत्री Chandrashekhar Bawankule सपत्नीक उपस्थित होते.

यावेळी माजी पंतप्रधान भारतरत्न श्रद्धेय Atal Bihari Vajpayee यांच्या प्रतिमेला माल्यार्पण करून अभिवादन करण्यात आले. तसेच नवनिर्वाचित नगराध्यक्ष, नगरसेवक व नगरसेविकांचा सन्मान करून त्यांच्या पुढील कार्यकाळासाठी शुभेच्छा देण्यात आल्या.

कार्यक्रमात भाजप जिल्हाध्यक्ष आनंदराव राऊत, मनोहर कुंभारे, आमदार चरणसिंग ठाकूर, आमदार डॉ. आशिषराव आर. देशमुख, भाजप प्रदेश कार्यकारिणी सदस्य डॉ. राजीव पोटदार, माजी आमदार सुधाकर कोहळे, माजी आमदार मल्लिकार्जुन रेड्डी, माजी आमदार टेकचंद सावरकर, माजी आमदार अशोक मानकर, माजी आमदार सुधीर पारवे यांच्यासह पक्षाचे ज्येष्ठ नेते, पदाधिकारी व कार्यकर्ते मोठ्या संख्येने उपस्थित होते.

या सोहळ्यात लोकप्रतिनिधींनी स्व. अटलजींच्या राष्ट्रसेवेला उजाळा देत विकास, सुशासन आणि लोककल्याणाच्या मार्गावर पुढे जाण्याचा संकल्प व्यक्त केला.

नवनिर्वाचित नगरप्रतिनिधींनीही शहराच्या सर्वांगीण विकासासाठी कटिबद्ध राहण्याचा निर्धार व्यक्त केला.

कार्यक्रमाच्या यशस्वी आयोजनाबद्दल आयोजकांचे कौतुक करण्यात आले असून, कोराडी परिसरात उत्साहाचे वातावरण पाहायला मिळाले.

Share on Facebook

Tweet

Follow us

Save