Chandrashekhar Bawankule यांच्या उपस्थितीत मांडवे दिगर-भिलमळी येथील शेतकऱ्यांच्या जमिनीबाबत मंत्रालयात बैठक

Report Akash Dhake Jalgaon: भुसावळ तालुक्यातील गट ग्रामपंचायत मांडवे दिगर आणि भिलमळी (जि. जळगाव) येथील शेतकऱ्यांच्या शेतजमिनी देवस्थान इनामातून कमी करून भरआकारी करण्यासंदर्भात तसेच तेथील आदिवासी बंजारा समाजाच्या जमिनींच्या प्रश्नावर मंत्रालयात महत्त्वपूर्ण बैठक घेण्यात आली.

या बैठकीस राज्याचे राजस्व व पालकमंत्री चंद्रशेखर बावनकुले हे मुख्य उपस्थित राहिले होते. त्यांच्या मार्गदर्शनाखालीच शेतकऱ्यांच्या जमिनींशी संबंधित विषयांवर सविस्तर चर्चा करण्यात आली. बैठकीस राज्याचे वस्त्रोद्योग मंत्री संजय सावकारे, संबंधित विभागाचे अधिकारी आणि अन्य मान्यवर उपस्थित होते.

चंद्रशेखर बावनकुले यांनी शेतकऱ्यांच्या हक्कांचे रक्षण हे सरकारचे सर्वोच्च प्राधान्य असल्याचे स्पष्ट केले. त्यांनी आदिवासी बंजारा समाजाच्या जमिनींसंबंधी प्रश्नांना तातडीने न्याय देण्याचे आश्वासनही दिले.

या निर्णयामुळे शेतकऱ्यांना त्यांच्या जमिनींचा कायदेशीर हक्क मिळविण्यास मदत होईल आणि आदिवासी समाजाच्या जमिनींसंबंधी दीर्घकाळ प्रलंबित असलेले प्रश्न मार्गी लागण्याची शक्यता आहे.

Bureau Report : Akash Dhake, Jalgaon

Share on Facebook

Tweet

Follow us

Save