भुसावळ विभागात तिकीट तपासणी मोहीमेला मोठे यश; तिकीटविना प्रवासावर प्रभावी नियंत्रण

मध्य रेल्वेच्या भुसावळ विभागाने तिकीटविना व अनियमित प्रवासावर नियंत्रण ठेवण्यासाठी तिकीट तपासणी मोहीम अधिक तीव्र केली असून, यामुळे प्रवासात शिस्तीचा प्रसार व महसूल सुरक्षित ठेवण्याच्या दृष्टीने महत्त्वपूर्ण यश मिळाले आहे. वाणिज्य विभागाने आपल्या कर्मचाऱ्यांच्या समर्पित प्रयत्नांद्वारे तिकीटविना व अनियमित प्रवासाविरुद्ध ठोस पावले उचलून प्रामाणिक प्रवाशांसाठी सुरक्षित आणि आरामदायक प्रवास सुनिश्चित केला आहे.
भुसावळ विभागीय रेल्वे व्यवस्थापक श्रीमती इति पांडे यांच्या नेतृत्वाखाली मे 2025 मध्ये भुसावळ विभागाने एकूण ₹11.19 कोटींचा महसूल तिकीट तपासणीद्वारे मिळवला असून, 1,18,000 प्रकरणे नोंदविण्यात आले. मे 2024 मध्ये ₹7.82 कोटींचा महसूल जमा झाला होता, त्यामुळे यंदा 43.22% वाढ नोंदवण्यात आली आहे. चालू आर्थिक वर्षात आतापर्यंत तिकीट तपासणीद्वारे मिळवलेला एकत्रित महसूल ₹22.12 कोटींवर पोहोचला आहे, जो विभागाच्या सातत्यपूर्ण व लक्षवेधी कार्याची साक्ष आहे.
या यशस्वी कामगिरीमागे तिकीट तपासणी कर्मचाऱ्यांची निष्ठा व परिश्रम कारणीभूत आहेत. एप्रिल व मे 2025 या दोन महिन्यांमध्ये दोन कर्मचाऱ्यांनी विशेष कामगिरी करून संपूर्ण विभागात आपली वेगळी ओळख निर्माण केली आहे :
निसार खान (TTI) – भुसावळ विभागातील सर्वोत्कृष्ट तिकीट तपासणी कर्मचारी ठरले :
एप्रिल 2025 मध्ये 1,577 प्रकरणे नोंदवून ₹25,20,900 चा महसूल जमा केला. मे 2025 मध्ये 1,597 प्रकरणांद्वारे ₹32,03,250 चा महसूल वसूल केला त्यांच्या अथक मेहनतीमुळे तिकीट तपासणी क्षेत्रात एक आदर्श उभा राहिला आहे.
सी. पी. बडगे (TTI, अमेनीटी कर्मचारी वर्ग) – आपल्या विभागात अव्वल ठरले :
एप्रिल 2025 मध्ये 649 प्रकरणांतून ₹12,68,660 चा महसूल मिळवला
मे 2025 मध्ये 850 प्रकरणांद्वारे ₹18,52,400 चा महसूल वसूल केला त्यांचे कार्य हे महसूल संरक्षण व प्रवासी सुविधा यामध्ये अमेनीटी कर्मचाऱ्यांचे वाढते योगदान अधोरेखित करणारे आहे.
ही उल्लेखनीय कामगिरी विभागाच्या रणनीतीपूर्ण नियोजनाची व कर्मचाऱ्यांच्या प्रामाणिक सेवाभावाची फलश्रुती आहे. भुसावळ विभाग तिकीट नियमांचे काटेकोर पालन, प्रवाशांच्या सोयी-सुविधा आणि रेल्वे सेवांची पारदर्शकता सुनिश्चित करण्यासाठी अशा उपक्रमांद्वारे कटिबद्ध आहे.

Share on Facebook

Tweet

Follow us

Save