जागतिक पर्यावरण दिनानिमित्त वरणगावात वृक्षारोपणाचा उपक्रम उत्साहात

Bhusawal News | Bureau Report Akash Dhake | Khabar 24 Express

जागतिक पर्यावरण दिनानिमित्त वरणगाव येथील शिव कॉलनी व मच्छिंद्र नगर परिसरात वृक्षारोपणाचा उपक्रम उत्साहात पार पडला. पर्यावरण संवर्धनाचा संदेश देत विविध प्रकारच्या वृक्षांची लागवड करण्यात आली.

यावेळी उपस्थितांनी पर्यावरण संरक्षणासाठी वृक्षांचे महत्त्व अधोरेखित करत लावलेल्या रोपांचे संगोपन करण्याचा संकल्प केला. हरित परिसर निर्मिती व पर्यावरणाचे रक्षण करण्यासाठी अशा उपक्रमांची आजच्या काळात नितांत आवश्यकता असल्याचे मत मान्यवरांनी व्यक्त केले. या उपक्रमास परिसरातील नागरिकांनी उत्स्फूर्त प्रतिसाद देत सहभाग नोंदविला.

कार्यक्रमास कल्पतरू निसर्ग सेवा मंडळाचे डॉ. रवींद्र माळी, डॉ. नितीन बढे, नगरसेवक विनोद झोपे, प्रशांत चौधरी सर, प्रा. भागवत पाटील, कैलास पाटील, सागर नागे, सारंग जोशी व संजय काळे आदी मान्यवर उपस्थित होते.

“एक झाड लावा, पर्यावरण वाचवा” हा संदेश देत कार्यक्रमाची सांगता करण्यात आली.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save