भाजपा महिला मोर्चाचे आक्रोश आंदोलन, महिला आरक्षणाच्या समर्थनार्थ जोरदार निदर्शने

Bhusawal News | Bureau Report Akash Dhake | Khabar 24 Express

नवी दिल्ली येथे नारी शक्ती वंदन अधिनियम व महिला आरक्षणाच्या समर्थनार्थ भाजपा महिला मोर्चाच्या वतीने आक्रोश आंदोलन करण्यात आले. लोकसभेत या विधेयकाला विरोध केल्याच्या पार्श्वभूमीवर काँग्रेस-नेतृत्वाखालील INDI आघाडी विरोधात हे आंदोलन आयोजित करण्यात आले.

या आंदोलनात रक्षा खडसे तसेच रेखा गुप्ता यांच्या प्रमुख उपस्थितीत मोठ्या संख्येने महिला कार्यकर्त्यांनी सहभाग नोंदवला. आंदोलनादरम्यान काही भाजपा नेते व कार्यकर्त्यांना दिल्ली पोलिसांनी ताब्यात घेतले.

यावेळी महिलांचे सक्षमीकरण हे देशाच्या सर्वांगीण विकासासाठी अत्यंत महत्त्वाचे असल्याचे अधोरेखित करण्यात आले. निर्णयप्रक्रियेत महिलांना समान व प्रभावी स्थान मिळणे ही काळाची गरज असल्याचे वक्त्यांनी स्पष्ट केले.

रक्षा खडसे यांनी आपल्या भाषणात महिलांच्या हक्क, सन्मान आणि राजकीय प्रतिनिधित्वासाठी एकजूट होण्याचे आवाहन केले. संसदेत महिलांना न्याय देण्याची ही ऐतिहासिक संधी असताना विरोधी पक्षांनी अपेक्षित पाठिंबा न दिल्याची खंतही त्यांनी व्यक्त केली.

या आंदोलनात विरेंद्र सचदेव, मेघना बोर्डीकर आणि बांसुरी स्वराज यांच्यासह विविध राज्यांतील महिला खासदार व पदाधिकारी उपस्थित होते.

महिलांच्या अधिकारांसाठीचा हा लढा अधिक व्यापक करण्याचा निर्धार भाजपा महिला मोर्चाने व्यक्त केला असून, आगामी काळात अशा जनजागृती अभियानांना अधिक गती दिली जाणार असल्याचे सांगण्यात आले.

ब्यूरो रिपोर्ट – आकाश ढाके, नवी दिल्ली

Share on Facebook

Tweet

Follow us

Save