भुसावळ: जामनेर रोडवरील श्री गजानन महाराज मंदिरात भाविकांची मोठी गर्दी, परिसर भक्तिमय

भुसावळ शहरातील जामनेर रोडवरील श्री गजानन महाराज मंदिर येथे दर्शनासाठी भाविकांची मोठी गर्दी पाहायला मिळाली. सकाळी लवकरपासूनच शहरासह तालुका आणि परिसरातील भाविकांनी मंदिरात हजेरी लावत गजानन महाराजांचे दर्शन घेतले.

भाविकांनी शिस्तबद्ध रांगा लावून भक्तिभावाने दर्शन घेतले. मंदिर परिसरात “गण गण गणात बोते” या नामस्मरणाचा जयघोष सुरू असल्याने संपूर्ण परिसर भक्तिमय वातावरणाने न्हाऊन निघाला होता.

दर्शनासाठी आलेल्या भाविकांमध्ये कुटुंबांसह आलेले श्रद्धाळू, ज्येष्ठ नागरिक तसेच महिला भाविकांची संख्या लक्षणीय होती.

अनेक भाविकांनी अभिषेक, पूजाअर्चा तसेच नैवेद्य अर्पण करून श्री गजानन महाराजांचे आशीर्वाद घेतले. उत्साह, श्रद्धा आणि शिस्त यांचे उत्तम दर्शन मंदिर परिसरात घडत होते.

दर्शन व्यवस्थेसाठी मंदिर प्रशासन व स्वयंसेवकांकडून आवश्यक ती काळजी घेण्यात आली होती.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save