भुसावळ येथे बारावीच्या परीक्षेत विद्यार्थी एकाग्रतेने पेपर सोडवताना

भुसावळ शहर व तालुक्यात आज बारावीच्या परीक्षेला सुरुवात झाली असून सकाळपासूनच विविध परीक्षा केंद्रांवर विद्यार्थ्यांची लगबग पाहायला मिळाली.

वेळेपूर्वीच विद्यार्थी परीक्षा केंद्रांवर उपस्थित राहिले होते. ओळखपत्र तपासणी व आवश्यक प्रक्रियेनंतर विद्यार्थ्यांना वर्गांमध्ये बसवण्यात आले आणि ठरलेल्या वेळेत प्रश्नपत्रिका वाटप करण्यात आले.

परीक्षेदरम्यान परीक्षा केंद्रांवर शांत व शिस्तबद्ध वातावरण होते. विद्यार्थी एकाग्रतेने पेपर सोडवताना दिसून आले. कोणताही गैरप्रकार घडू नये यासाठी केंद्रप्रमुख, पर्यवेक्षक तसेच भरारी पथकाकडून कडक नजर ठेवण्यात आली होती.

मोबाईल, इलेक्ट्रॉनिक साधने यांवर सक्त बंदी घालण्यात आली होती.

विद्यार्थ्यांच्या सोयीसाठी परीक्षा केंद्रांवर पिण्याच्या पाण्याची व्यवस्था, स्वच्छता तसेच आवश्यक सूचना फलक लावण्यात आले होते.

काही पालक परीक्षा केंद्राबाहेर आपल्या पाल्यांची वाट पाहताना दिसून आले. परीक्षेच्या पार्श्वभूमीवर परिसरात पोलिस बंदोबस्तही ठेवण्यात आला होता.

बारावीच्या परीक्षेला विद्यार्थ्यांच्या भवितव्याच्या दृष्टीने विशेष महत्त्व असल्याने विद्यार्थी आत्मविश्वासाने परीक्षा देत असल्याचे चित्र होते. परीक्षा सुरळीत पार पडल्याची माहिती शिक्षण विभागाकडून देण्यात आली आहे.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save