नूतन मराठा महाविद्यालयात डिजिटायझेशनच्या कार्याचा शुभारंभ

जळगाव | प्रतिनिधी – आकाश ढाके : नूतन मराठा महाविद्यालय, जळगाव आणि पुण्यातील हेरीटेज फाउंडेशन यांच्या संयुक्त विद्यमाने महाविद्यालयाच्या ग्रंथालयातील पुस्तकांचे डिजिटायझेशन करण्याच्या कार्याचा प्रारंभ शनिवार, ४ ऑगस्ट रोजी करण्यात आला.

या उपक्रमाचा शुभारंभ महाविद्यालयाचे प्राचार्य डॉ. एल. पी. देशमुख यांच्या हस्ते करण्यात आला. यावेळी हेरीटेज फाउंडेशनचे प्रमुख भुजंगराव बोबडे, करण माने, हर्षल बऱ्हाटे, भाग्यश्री सोनार आदी मान्यवर उपस्थित होते.

महत्त्वाचे मुद्दे :

• प्रारंभी १५,००० पुस्तकांचे डिजिटायझेशन करण्यात येणार
• महाविद्यालयाच्या ग्रंथालयात सध्या १.२५ लाखांहून अधिक पुस्तके उपलब्ध
• धार्मिक, ऐतिहासिक आणि दुर्मिळ ग्रंथांचे जतन केले जात आहे
• हेरीटेज फाउंडेशनकडून आतापर्यंत ३ लाखांहून अधिक हस्तलिखितांचे डिजिटायझेशन पूर्ण

या उपक्रमाचा उद्देश भारतीय ज्ञान परंपरेचे जतन आणि संवर्धन करण्याचा असून, नूतन मराठा महाविद्यालयाने यामध्ये सहभाग नोंदवून एक महत्त्वपूर्ण पाऊल उचलले आहे.

कार्यक्रमास महाविद्यालयाचे उपप्राचार्य डॉ. के. बी. पाटील, डॉ. एन. जे. पाटील, प्रा. अरबी देशमुख, डॉ. हेमंत येवले, अविनाश पाटील, अरविंद भोईटे, तसेच ग्रंथालय विभागाचे सर्व कर्मचारी मोठ्या संख्येने उपस्थित होते.

Bureau Report : Akash Dhake, Jalgaon Bhusaval

Share on Facebook

Tweet

Follow us

Save