श्री गणेश कॉम्प्युटरला नायब तहसीलदार शोभा घुले व हेमंत गुरव यांची भेट – AI संदर्भात चर्चा

श्री गणेश कॉम्प्युटर ट्रेनिंग सेंटर ला नायब तहसीलदार शोभा घुले आणि हेमंत गुरव सोबत इतर सहकारी यांनी विशेष भेट दिली. या भेटीमध्ये त्यांनी कृत्रिम बुद्धिमत्ता (AI) विषयक माहिती घेतली आणि या तंत्रज्ञानाच्या भविष्यातील उपयोगांवर चर्चा केली. प्रशासनातील डिजिटल परिवर्तन आणि एआय चा वापर कसा करता येईल यावर विशेष लक्ष केंद्रित करण्यात आले. सेंटरच्या प्रशिक्षकांनी AI तंत्रज्ञानाची कार्यपद्धती व त्यांचे फायदे आणि विविध क्षेत्रांमध्ये होणारा प्रभाव याबाबत सखोल माहिती दिली.

AI चा उपयोग महसूल प्रशासन, डिजिटल फाइल मॅनेजमेंट, डेटा विश्लेषण आणि निर्णयप्रक्रियेत कसा करता येऊ शकतो, याबाबतही चर्चा करण्यात आली. श्री गणेश कॉम्प्युटर ट्रेनिंग सेंटरमध्ये AI प्रशिक्षण उपलब्ध असून यामुळे विद्यार्थ्यांना आधुनिक तंत्रज्ञानाचा उपयोग करून करिअर संधी मिळण्यास मदत होईल असे तज्ज्ञांनी सांगितले. ही भेट AI शिक्षणास चालना देणारी ठरणार आहे आणि यामुळे तंत्रज्ञान व प्रशासन यांचा समन्वय अधिक बळकट होईल, अशी अपेक्षा व्यक्त करण्यात आली.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save