भुसावळ Breaking: नगराध्यक्षा गायत्री भंगाळे यांचे जात प्रमाणपत्र अवैध; जळगाव जिल्ह्यात मोठी खळबळ

Bhusawal Breaking News | Bureau Report Akash Dhake | Khabar 24 Express

भुसावळ नगरपालिकेच्या नगराध्यक्षा गायत्री भंगाळे यांचे जात प्रमाणपत्र जात पडताळणी समितीने अवैध ठरवले. जळगाव जिल्ह्यात राजकीय वर्तुळात खळबळ.

भुसावळ शहरातून एक मोठी आणि धक्कादायक बातमी समोर आली आहे. भुसावळ नगरपालिकेच्या नगराध्यक्षा गायत्री चेतन भंगाळे यांचे जात प्रमाणपत्र जळगाव येथील जात पडताळणी समितीने अवैध ठरवले असून, या निर्णयामुळे संपूर्ण जळगाव जिल्ह्यात मोठी खळबळ उडाली आहे.

मिळालेल्या माहितीनुसार, भुसावळ नगरपालिकेतील नगराध्यक्ष पद हे अनुसूचित जाती प्रवर्गातील महिलेसाठी राखीव होते. या निवडणुकीत राष्ट्रवादी काँग्रेसच्या चिन्हावर लढत देत गायत्री भंगाळे यांनी राज्याचे वस्त्रोद्योग मंत्री संजय सावकारे यांच्या पत्नी रजनी सावकारे यांचा पराभव करून विजय मिळवला होता.

निवडणुकीदरम्यान सादर केलेल्या शपथपत्रात गायत्री भंगाळे यांनी अनुसूचित जमाती (ST) प्रवर्गाचे जात प्रमाणपत्र दाखल केले होते. हे प्रमाणपत्र भुसावळचे प्रांताधिकारी यांनी जारी केले होते. मात्र या प्रमाणपत्रावर आक्षेप घेत तक्रारी दाखल झाल्यानंतर प्रकरण जात पडताळणी समितीकडे वर्ग करण्यात आले.

नियमांनुसार निवडून आल्यानंतर सहा महिन्यांच्या आत जात वैधता प्रमाणपत्र सादर करणे बंधनकारक असते. मात्र त्याआधीच समितीने सादर केलेले प्रमाणपत्र अवैध असल्याचा महत्त्वपूर्ण निर्णय दिला. प्रमोद सावकारे, रजनी सावकारे, संजय तायडे आणि राहुल तायडे यांनी दाखल केलेल्या तक्रारीनंतर ही कारवाई करण्यात आली.

जळगाव जात पडताळणी समितीचे अध्यक्ष बोदरडे, सदस्य एन. एस. रावते आणि एस. एस. महाजन यांच्या समितीने हा निर्णय दिल्यानंतर जिल्ह्यातील राजकीय आणि प्रशासकीय वर्तुळात मोठी चर्चा सुरू झाली आहे. या प्रकरणामुळे भुसावळ नगरपालिकेच्या सत्तासमीकरणावरही परिणाम होण्याची शक्यता व्यक्त केली जात आहे.

आता पुढे काय कारवाई होणार? नगराध्यक्ष पदावर काय परिणाम होईल? याकडे सर्वांचे लक्ष लागले आहे.

Tags : bhusawal news, jalgaon news, gayatri bhangale, caste certificate invalid, bhusawal nagar palika, maharashtra politics, breaking news maharashtra, jalgaon caste verification, nagaradhyaksha news, political news maharashtra

#bhusawal #jalgaon #breakingnews #maharashtranews #politics #castecertificate #viralnews #localnews #india #newsupdate

Share on Facebook

Tweet

Follow us

Save