भुसावळात भाजपतर्फे डॉ. बाबासाहेब आंबेडकर जयंती उत्साहात

Bhusawal News | Bureau Report Akash Dhake | Khabar 24 Express

भारतीय संविधानाचे शिल्पकार व सामाजिक समतेचे पुरस्कर्ते डॉ. बाबासाहेब आंबेडकर यांची जयंती भारतीय जनता पार्टी, भुसावळ शहराच्या वतीने उत्साहात साजरी करण्यात आली.

रेल्वे स्टेशन परिसरातील डॉ. आंबेडकर यांच्या पूर्णाकृती पुतळ्यास महाराष्ट्र राज्याचे वस्त्रोद्योग मंत्री श्री. संजय सावकारे यांच्या हस्ते पुष्पहार अर्पण करून अभिवादन करण्यात आले.

यावेळी उपस्थित मान्यवरांनी त्यांच्या कार्याचा गौरव करत समाजासाठी दिलेल्या योगदानाचे स्मरण केले. “जय भीम”च्या घोषणांनी परिसर दुमदुमून गेला.

यावेळी रजनी सावकारे, शैलजा नारखेडे, युवराज लोणारी, मनोज बियाणी यांच्यासह भाजपा पदाधिकारी, नगरसेवक व कार्यकर्ते मोठ्या संख्येने उपस्थित होते. कार्यक्रमास समाजबांधवांचाही उत्स्फूर्त प्रतिसाद लाभला.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save