श्रीक्षेत्र कोथळी येथे संत मुक्ताई यात्रोत्सवाला आजपासून प्रारंभ; आरती व महाभिषेक प्रसंगी क्रिषिका खडसे सहभागी

Muktainagar Maharashtra News | Bureau Report Akash Dhake | Khabar 24 Express

श्रीक्षेत्र कोथळी येथे आजपासून संत मुक्ताई यात्रोत्सवाला भक्तिमय वातावरणात सुरुवात झाली. दरवर्षीप्रमाणे यंदाही हजारो भाविकांच्या उपस्थितीत यात्रेचा शुभारंभ पार पडला.

यात्रोत्सवाच्या पहिल्याच दिवशी संत मुक्ताईंच्या आरती व महाभिषेक कार्यक्रमाचे आयोजन करण्यात आले होते. या पवित्र सोहळ्यात केंद्रीय राज्यमंत्री रक्षा खडसे यांच्या कन्या क्रिषिका खडसे यांनी सहभागी होत संत मुक्ताईंच्या चरणी नतमस्तक होत आशीर्वाद घेतला.

मंदिर परिसरात पहाटेपासूनच भाविकांची मोठी गर्दी पाहायला मिळाली. विविध धार्मिक कार्यक्रम, भजन-कीर्तन, प्रवचन तसेच सांस्कृतिक उपक्रमांचे आयोजन यात्रोत्सव काळात करण्यात येणार आहे. स्थानिक प्रशासनाने यात्रेनिमित्त सुरक्षा आणि सुविधांची योग्य व्यवस्था केली आहे.

संत मुक्ताई यात्रोत्सवामुळे संपूर्ण परिसरात भक्तिमय वातावरण निर्माण झाले असून भाविकांमध्ये उत्साहाचे वातावरण आहे.

ब्यूरो रिपोर्ट – आकाश ढाके, मुक्ताईनगर

Share on Facebook

Tweet

Follow us

Save