26 डिसेंबरपासून रेल्वे भाड्यांचे युक्तिसंगतीकरण; सामान्य प्रवाशांना दिलासा, मर्यादित भाडेवाढ

Bureau Report Akash Dhake | Exclusive News | Khabar 24 Express

नवी दिल्ली – प्रवाशांचे हित आणि रेल्वेच्या आर्थिक स्थैर्याचा समतोल राखण्याच्या उद्देशाने भारतीय रेल्वेने 26 डिसेंबर 2025 पासून प्रवासी भाडे संरचनेचे युक्तिसंगतीकरण केले आहे. या निर्णयानुसार उपनगरीय सेवा, सिझन तिकिटे तसेच 215 किमीपर्यंतच्या द्वितीय श्रेणी साधारण प्रवासासाठी कोणतीही भाडेवाढ करण्यात आलेली नाही.

स्लीपर आणि प्रथम श्रेणी साधारण (गैर-उपनगरीय) प्रवासासाठी प्रति किलोमीटर केवळ 1 पैशांची मर्यादित वाढ करण्यात आली आहे. तर मेल/एक्सप्रेस गाड्यांच्या एसी व नॉन-एसी सर्व श्रेणींसाठी प्रति किलोमीटर 2 पैशांपर्यंतच भाडेवाढ लागू करण्यात आली आहे.

द्वितीय श्रेणी साधारण (नॉन-एसी) प्रवासासाठी 216 किमीपासून टप्प्याटप्प्याने 5 ते 20 रुपयांपर्यंत भाडेवाढ करण्यात आली असून, अल्प अंतर व दैनंदिन प्रवाशांवर याचा कोणताही परिणाम होणार नाही.

महत्त्वाचे म्हणजे आरक्षण शुल्क, सुपरफास्ट अधिभार, जीएसटी तसेच भाडे पूर्णांकन नियमांमध्ये कोणताही बदल करण्यात आलेला नाही. सुधारित भाडे केवळ 26 डिसेंबर 2025 रोजी किंवा त्यानंतर बुक केलेल्या तिकिटांनाच लागू होणार असून, त्याआधी बुक केलेल्या तिकिटांवर अतिरिक्त शुल्क आकारले जाणार नाही.

रेल्वे स्थानकांवरील भाडे सूची देखील नव्या दरांनुसार अद्ययावत करण्यात येणार आहेत.

ब्यूरो रिपोर्ट – आकाश ढाके, नवी दिल्ली

Share on Facebook

Tweet

Follow us

Save