सोनीपत येथील SAI केंद्रात रक्षाताई खडसे यांची पाहणी; अत्याधुनिक क्रीडा सुविधा व ‘हाय परफॉर्मन्स सेंटर’चा घेतला आढावा

Bureau Report Akash Dhake | Khabar 24 Express

रक्षा खडसे यांनी Sports Authority of India अंतर्गत कार्यरत SAI Northern Regional Centre, सोनीपत येथे भेट देऊन अत्याधुनिक क्रीडा सुविधा व प्रशिक्षण व्यवस्थेचा सविस्तर आढावा घेतला.

केंद्रीय युवा व्यवहार व क्रीडा राज्यमंत्री म्हणून त्यांनी एथलीट प्रशिक्षण, क्रीडा विज्ञान, पुनर्वसन (Rehabilitation) तसेच दुखापत व्यवस्थापनासाठी उपलब्ध आधुनिक सुविधांची पाहणी केली. केंद्रातील प्रशिक्षक, क्रीडा वैद्यकीय तज्ज्ञ आणि सपोर्ट स्टाफ यांच्याशी संवाद साधत खेळाडूंना जागतिक दर्जाचे प्रशिक्षण व पुनर्प्राप्ती सहाय्य देण्यासाठी राबविण्यात येणाऱ्या उपक्रमांची माहिती घेतली.

यावेळी त्यांनी सांगितले की, “सशक्त क्रीडा राष्ट्राची पायाभरणी केवळ पदकांवर अवलंबून नसून वैज्ञानिक प्रशिक्षण, प्रभावी दुखापत व्यवस्थापन आणि खेळाडूंच्या सर्वांगीण कल्याणासाठी उभारलेल्या सक्षम इकोसिस्टमवर आधारित असते.

भारतातील खेळाडूंना आंतरराष्ट्रीय स्तरावर अधिक सक्षम करण्यासाठी नरेंद्र मोदी यांच्या नेतृत्वात केंद्र सरकार व क्रीडा मंत्रालय कटिबद्ध आहे.”

तसेच, केंद्र परिसरात उभारण्यात येत असलेल्या ‘हाय परफॉर्मन्स सेंटर’च्या बांधकामाचीही त्यांनी पाहणी केली. हे केंद्र पूर्णत्वास आल्यानंतर देशातील अव्वल खेळाडूंना अत्याधुनिक प्रशिक्षण सुविधा उपलब्ध होऊन त्यांच्या कामगिरीत लक्षणीय वाढ होईल, असा विश्वास त्यांनी व्यक्त केला.

क्रीडा क्षेत्रातील पायाभूत सुविधा मजबूत करण्यासोबतच खेळाडूंच्या सर्वांगीण विकासासाठी केंद्र शासन सातत्याने प्रयत्नशील असल्याचेही त्यांनी अधोरेखित केले.

ब्यूरो रिपोर्ट – आकाश ढाके, सोनीपत (हरियाणा)

Share on Facebook

Tweet

Follow us

Save