વૈજ્ઞાનિકોએ અથાક મહેનતથી તૈયાર કરેલી સ્વદેશી કોરોનાની વેક્સિન સંપૂર્ણ સુરક્ષિત હોવાનું જણાવતાં દાહોદના નાયબ બાગાયત નિયામકશ્રી

નાયાબ બાગાયત નિયામકશ્રીએ વેક્સિનના બંને ડોઝ લીધા છે
દાહોદના નાયબ બાગાયાત નિયામક શ્રી હિમાંશુ પારેખ જણાવે છે કે, મેં કોવીડ વેક્સિનના બંને ડોઝ લીધા છે, આ ડોઝની કોઇ પણ પ્રકારની આડઅસર થતી નથી. વૈજ્ઞાનિકોની મહેનત અને અથાક પ્રયત્નો બાદ તૈયાર કરવામાં આવેલી વિશ્વની સૌથી સુરક્ષિત વેક્સિન લેવાનું મને ગૌરવ છે. કોરોના મહામારીને મ્હાત આપવા માટે એ જરૂરી છે કે દરેક નાગરિક આ વેક્સિનેશન અભિયાનમાં પૂરતો સહયોગ આપે. આપણા દેશમાં આપણા જ વૈજ્ઞાનિકો દ્વારા તૈયાર કરવામાં આવેલી વેક્સિનમાં વિશ્વાસ રાખીને વેક્સિન લેવી એ પણ દેશભક્તિ જ છે.

સૌ કોઇ વિશ્વની સૌથી મોટા વેક્સિનેશન અભિયાનનો ભાગ બને તે માટે અપીલ કરૂં છું.
રાજય સરકાર દ્વારા વેક્સિનેશન અભિયાન પૂરજોશમાં ચાલી રહ્યું છે ત્યારે એ પણ જરૂરી છે કે નાગરિકો કોરોના સામેની સાવચેતીઓ ચૂકે નહિ. ઘરની બહાર નીકળો એટલે માસ્ક અવશ્ય પહેરવું જ જોઇએ. જાહેર સ્થળોએ સામાજિક અંતર રાખવું જોઇએ. વારંવાર સેનિટાઇઝરનો ઉપયોગ કરવો જોઇએ. અત્યારે જયારે કોરોનાના કેસોમાં નોંધપાત્ર વધારો થયો છે ત્યારે ભીડભાડવાળી જગ્યા કે અવસર-પ્રસંગોમાં જવાનું ટાળવું જોઇએ.

૦૦

ખબર 24 એક્સપ્રેસ,નાગેશ્વર સેન દાહોદ
ગુજરાત બીયુરોચીફ
7046059323

Please follow and like us: