नूतन मराठा महाविद्यालयात वाचन प्रेरणा दिन व ‘ग्रंथालय भारती’ दिवाळी अंक प्रकाशन सोहळा उत्साहात संपन्न

Akash Dhake Report | जळगाव – नूतन मराठा महाविद्यालयाच्या ग्रंथालय विभागातर्फे वाचन प्रेरणा दिन तथा ग्रंथालय भारतीच्या दिवाळी अंकाचे प्रकाशन उत्साहात पार पडले. कार्यक्रमाचे अध्यक्षस्थान महाविद्यालयाचे प्राचार्य डॉ. एल. पी. देशमुख यांनी भूषविले.

ग्रंथालय भारतीच्या दिवाळी अंकाचे प्रकाशन ग्रंथालय भारतीचे राष्ट्रीय सचिव मा. श्री. सुनील वायाळ, देवगिरी प्रांताध्यक्ष मा. श्री. लक्ष्मीकांत पाठक, जळगाव जिल्हा ग्रंथालय अधिकारी मा. श्री. सुहास रोकडे, प्राईम पब्लिकेशनचे संचालक श्री. प्रदीप पाटील, ग्रंथालय भारतीचे अध्यक्ष डॉ. हेमंत येवले व सचिव डॉ. हितेश ब्रीजवासी यांच्या हस्ते करण्यात आले.

भारताचे माजी राष्ट्रपती भारतरत्न डॉ. ए. पी. जे. अब्दुल कलाम यांच्या जयंतीनिमित्त हा दिवस वाचन प्रेरणा दिन म्हणून साजरा करण्यात आला. कार्यक्रमात सर्व मान्यवरांनी आपली मनोगते व्यक्त केली.

कार्यक्रमाची सुरुवात दीपप्रज्वलनाने करण्यात आली. पारंपरिक स्वागत सोडून, मान्यवरांना बुकेऐवजी पुस्तक भेट देऊन अभिनव पद्धतीने स्वागत करण्यात आले. स्वागताचे कार्य डॉ. हेमंत येवले व डॉ. हितेश ब्रीजवासी यांनी केले.

कार्यक्रमाचे सूत्रसंचालन कु. दीपाली झंझणे यांनी तर प्रमुख पाहुण्यांचा परिचय प्रा. पवन बनसोडे यांनी करून दिला. आभार प्रदर्शन डॉ. हितेश ब्रीजवासी यांनी केले.

कार्यक्रम यशस्वी करण्यासाठी श्री. अरविंद भोईटे, श्री. उमेश धुमाळ, श्री. अविनाश पाटील, श्री. प्रमोद खैरनार आणि श्री. एम. जी. पाटील यांनी विशेष परिश्रम घेतले.

ब्यूरो रिपोर्ट – आकाश ढाके, भुसावळ

Share on Facebook

Tweet

Follow us

Save